ماشاء الله تبارك الله ماشاء الله لاقوة الا بالله , اللهم اني اسالك الهدى والتقى والعفاف والغنى
 |
الإهداءات |
|
| آخر 10 مشاركات |
 |
 |
 |
 |
||||||||
|
|||||||||||
 |
 |
 |
 |
||||||||
| عنتر مع حبه عبلة روميو وجولييت يعني خاص بالحكاوية وحكايات بابا الحارة |
 |
|
|
أدوات الموضوع | انواع عرض الموضوع |
10-27-2009
|
#1 | |||
|
مداعب متهور
|
جزء من مذكراتي بقلمي - للكاتب عزوز.~
السلآم عليكم ورحمة الله وبركآته
صباحكم / مسائكم... عسل أخبآركم..؟؟ حبيت أشآركم جزء من مذاكراتي فأتمنى أن تستمعوا بقرائتها وحب --  إضغط هُنا للتسّجيل |
|||
|
|
10-28-2009
|
#2 | ||||
|
لحن الحياة
-||[ •∙∞هَـٍمـِسَـٍﮧْدَلًـــٍــَـّعْ∞∙• ||-
مزاجي:
|
سعــدت جــدا بقرأة مذكــراتكـ
وكم أحببت هذه الفكــرة الجميلــة منكـ ومشـاركتكـ لنــا الصراحـة تشوقـت لمعرفـة بقيـة الأحــداث ارجـو منكـ بتكلمة الباقي في الوقت القريب وأن لاتطيل علينــا يعطيكـ ألف عافيــه |
||||
ضقت بالصمت وضاق الصمت بي بعد ما ضاقت عروقي بدمي فدع التسآؤل عمّا بي فقد ألجمت هيمنة الصمت فمي !
|
|
10-28-2009
|
#4 | |||
|
مداعب متهور
|
الجزء الثآني
( أول يوم دراسي في بريطانيا العظمى ) MR. Abdulaziz and Mr. Mohammed this is your house كانت هذه كلمات السائق لنا نزلت وانا مستغرب للدرجه هذي الخداع والضحك على العرب أين الاتفاق الذي بيننا ليست بمشكله كبيرة السكن مع مسلمين أفضل بكثير من السكن مع مسيحين على الاقل أقدر أصلي براحتي تبعنا صاحب المنزل السيد أسحاق الى الداخل صعدنا خلفه الدرج وكان الدرج شديد الضيقه وشديد الارتفاع مما يدلك على وضعهم المادي الصعب بالكاد استطعنا حمل حقائبنا فيه تقاسمنا الغرف واخذت انا الغرفه الكبيره ومحمد اختار الغرفه الصغيرة كانت الساعه الثالثه عصراً بتوقيت مانشستر كان يسئلنا صاحب المنزل من أين انتم من أي المدن كان محمد كثيراً مايخطي أو قليل مايستوعب مايقال وفي كل مرة يسألني مالذي يقوله..؟؟ لهذا السبب كان أغلب الحوار معي أنا بعدها دخلت علينا زوجته بوجبتين غداء وتركونا نتغدا براحتنا متأكد أن الاكل سليم..؟؟ ما أعجبتني الرائحه لا رائحة المنزل ولا رائحة الاكل كان محمد يبدو عليه الخوف من العائله لا ادري لما قدم معنا للدراسه تفضل كل وماعليك ان شالله مافيه الا العافيه والرائحة تحملها الى ان يفرجها ربك بعد ان انهينا الاكل ذهبت لطرق باب الجزء السفلي من البيت نسيت أن أقول أنه ممنوع علينا النزول تحت اذا بقينا في المنزل بقينا في الغرف فقط Mr Esshaq I want to buy a new sim card سيد اسحاق اريد ان ابتاع شريحة جوال أخذني السيد أسحاق لمحل قريب لأبتاع شريحة جوال وكانت من شركة ليبارا وكانت عروضها جداً رائعه كان الدقيقة للسعوديه بمايقارب الريآل..!! ولكن مع الوقت أكتشفت أنها تتلاعب كشركاتنا الموقرة وتبقى في الاخير رخيصة السعر أستئذنا السيد أسحاق وتوجهنا الى طريق لا نعرف الى أين يأخذنا ولكن فقط لأستكشاف المدينه والاماكن من حولنا توقفنا في حديقة في منتهى الروعه والهدوء وكان في الطرف الاخر من الحديقة مجموعة أطفال يلعبون كان المنظر أراحني بعد عناء الرحله كان أغلب حديثنا انا وصديقي محمد عن ماذا نفعل مع هذه العائلة كان واضح من كلامه انه منزعج منهم اتفقنا ننتظر اول يوم دراسي بعدها نحدد مانفعل معهم في طريق عودتنا توقفنا في محل كنا نعتقد انه ككوفي شوب ويعرض المباريات وتبين لنا انه بار ..!! كان شاب في وسط العشرينات مع فتاة في مقتبل العشرينات يتسامرون ويشربون الخمرة كان المنظر جداً بشع أنصرفنا للبيت للنوم أقتربت الساعه من الساعه سابعه مساء ولكن الشمس لم تغرب للآن وصلنا البيت منهكين ننتظر غروب الشمس للصلآة ولكن غلبنا النوم قبل غروب الشمس ( لمدة خمس أيام لم ارى الليل ..!! ) أستيقضنا في الصباح الباكر في الساعه السابعه السيده اسحاق أحضرت لنا الافطار وبعد الافطار توجهنا لوسط المدينه طبعاً لاستكشافها كان السيد اسحاق مستغرب من تصرفنا ولكن ماذا نفعل الفرآغ قتلنا ركبنا الباص وفي الطريق سألت أحد الركاب كيف نعرف وسط المدينه أخبرني مشكوراً كيف الوصول وكيف العوده وطلب مني سيجارتين عرفت لاحقاً انها كانت أجراً لخدمته لي لعدم وجود شخص يطلب سيجارتين وان طلب واحده سألني بكم ابيعها له..!! ذهبنا تائهين الخطى لا نعرف الى اين نتوجه كان فعلاً كلام محمد يبين مدى صغر عمره وصغر تفكيره كان كلامه عن الكاشفات الفاتنات وكيف الحريه في هذي البلد..!! توقفنا في متحف كان في قمة الروعه توقعنا ان زيارتنا له ستسغرق ربع ساعه ولكن بقينا فيه لأكثر من ساعه كان اكثر ماشدني كيف ان الزوار ينظر في الصورة شبراً شبراً أو القطعه الفنيه كان موجود قطع يدوم عمرها لأكثر من خمس مائة سنه بعد خروجنا من المتحف توجهنا لرغبة محمد في النظر الى هيلتون تاور أطول برج في مانشستر بعدها توقفنا في احد الحدائق القريبة من مكاننا وكان بجانبنا فتاتين في مقتبل العشرينات أتونا سآئلين عن مكان لا يحضرني أسمه رددت عليها ان هذا اول يوم لنا في بريطانيا وكانت جداً مستغربه من الشي هذا بعدها استطردت في الحديث وسألت عن جنسيتي وعن سبب حضورنا لبريطانيا عرفت انهم من لندن وانهم اتو زيارة لمانشستر بعد جولة طويلة وصلنا في وقت الغدا الى البيت كان الغدا خفيف ونحن في وسط احاديثنا سمعنا صوت انفتاح باب عرفنا لاحقاً ان دورة المياه الخاصه بالدور العلوي مشتركه للبيت كله قبل سنة تزيد أو تنقص كانت وفاة اختي قالها لي محمد في وسط احاديثنا وكان واضح شدة الحزن او شدة الصدمه عليه في العزاء مابكيت ابداً وكنت أصبر أمي وأبي وكنت أحاول التخفيف على الاقارب ولكن عندما عدت الى الدمام اكتشفت اني اشتقت لها قالها ودمعه تدغدغ خديه كانت أحب أخوانه اليه وكان أحب اخوانها اليها _رحمها الله _ في الصباح التآلي كان اول يوم دراسي لنا صادف محمد أبن عمه في المعهد الذي اخبره بأن عائلته جداً رائعه كانت مكونه من سيده وابنتها ذو الـ 23 عاماً كانت البنت عآرضة أزياء محمد أخذه الشغف للأنتقال الى عائلة أبن عمه وتوجه الى السيده بعد اليوم الدراسي التي وافقت على انتقاله اليها ..!! كان اول يوم دراسي فيه تحديد المستوى وكان مستواي متوسط ولكنه بالنسبة للسعودين اعلى مستوى بينهم..!! عرفت لاحقاً أن هذا المستوى ليس بمستواي ولكن لعدم وجود مكان في مستواي المستحق وضعوني هناا ..!! ماذا حدث بعد انتقال محمد..؟؟ صدفه غريبه في مآنشستر..؟؟ ماذا حدث قبل وصولي..؟؟ أتمنى أن تعجبكم القصة وأرجو منكم التفآعل أكثر والانتقاد لاطور من مستواي تحيآتي لكم... |
|||
|
|
|
10-29-2009
|
#6 | ||||
|
مدير كبير نفر اسعد خان
♥ ډعـٱٻۃ عٱِڷِـم مڹْ ٱڸڣۼٱڔھ||◇◆
مزاجي:
|
تم تعديل اسم الموضوع وتثبيته
عزوز باشا الله لا يهينك لو تكتب باللغة العامية ازين لأن شوي وانسخ كتابتك حقت اللغة العربية ذي واقوم اترجمها ههههههههههههههههههههه اهرج عامي يرحم والديك وفكني واندهشنا ورأينا وأرى وذهبنا 
|
||||
|
سبحان الله .. والحمد لله .. ولا اله الا الله والله اكبر ولاحول ولاقوة الا با الله   
|
|
10-29-2009
|
#7 | |||
|
مداعب متهور
|
مستر كريزي الله يعاافيك من الشرر ويخليك والعفوو
وإن شالله بكمل لكم القصصه وحيآك الله معنا دعابه مشكور ع التثبيت وهذا ان شالله يكون حافز لي كبير أكتب أكثر قصم قصمات أن ودي اكتب بالعاميه بس أبي أعيش جو الكاتب < أمحق جوو هههههه بس أنت ريحتني بكتب لكم عاامي وافكم من اندهشنا ورأينا وهالحركات ههههههه منورين الصفحه وقريب ان شالله انزل لكم الجزء الثالث تحيآتي للجميع... |
|||
|
|
|
10-30-2009
|
#8 | |||
|
مداعب متهور
|
الجزء الثآلث
قبل أن أبدأ في الجزء الثآلث أحب أذكر بعض الاشيا اللي فاتتني في الجزيئن اللي في الطيآرة واحنا رآيحين كآن اللي ع يميني بعد الممر سكرآن يكحكح طوول الرحله شكيت أن الخنآزير بتسير علي و ع يسآري عآئله بآكستآنيه في نص الرحله كنت نايم وجت صحتني المضيفه قالت لي تبي تاكل شي قلت لا بس مانيب جوعان ناظرت قدام لقيتهم ياكلون يمين ياكلون يسار ياكلون دويرت للمضيفه قلت لها فجأة صرت جوعان اسدحي لنا صحن سألتني تشرب شي مع الوجبه قلت اسدحي مو مشكله لقيتها سدحت لي مثل الباكستاني اللي جنبي وانا اهمم بالشرب يعني اخذت لي رشفه عرفت انه من اللي اعوذ بالله من ذآك الوقت واللي جنبي طآيحن من عيني < متى ملاها اصلاً ههههه الموهم بعد الوصول وبعد الشوشره اول ماطلعت من المطار امطرت عآد أنتم تخيلوا جآي من غبآر الريآض لمطر مانشستر وش شعوري بيكون < كلنا يالسعوديين قمنا نصرخ الثمآمه الثمآمه هههههههههه في المدرسة قسمونا مجموعتين بعد اختبار تحديد المستوى عشان نتمشى في مانشستر ع ماتطلع النتايج كل العيآل وخصوصاً السعوديين نقزوا مع الفرنسيه وسحبوا ع البريطآني < ماينلآمون ماقد شآفوا جنس ناعم ههههه ( ودي أذكركم أن القصة في شوية صرآحه رجاء للي تحت الـ 18 يفهمها هههههههه ) نبدأ مع الجزء الثآلث بعد رجوعنا لأخذ النتايج زي ماقلت حطوني في مستوى متوسط بس بالنسبة للسعودين كنت الاعلى بينهم كنا تقريباً ثمانيه ثلاثه احنا اللي في المستوى هذا والباقين كلهم في مستويات متدنيه وكنت مجتمع مع السعوديين وفي واحد ببثرر معنا وجا يبي يعرفنا ع بعض يقال لك كنه حافظ كل اسامينا الموهم قال اسم واحد معنا عبدالعزيز بن فلاان التفت ع عبدالعزيز وسألته تعرف فلان بن فلان قال لي ايه الشايب ذا اعرفه وش عرفك فيه قلت له بس وصلت هذا عمي الله يسلمك عمي لزم هذي اقوى صدفه طلع رجل خلوق وفله ومحافظ ع دينه وطبعاً طوول الرحله بقينا اخوياا وللحين ولله الحمد بعد ماخلصنا من كل الشوشه اللي في المعهد توجه كل واحد لسكنه ووانا محمد وصل للبيت بعد ساعه من وصولي وقال لي سآلفة اللي بينقل لها وعشان ولد عمه عندها ومن هالكلاام طبعاً انا قدرت الموقف وداري انه يبي يروح عشان الاغراءات اول شي شاشه كبر الجدار وافلام طب وتخير ونت مجاني وغسيل وكل ابو شي طبعا عند الباكستاني مافي غسيل تبي رح للمغسله بس وصاني ما اقول للباكستاني وانه بكرا الصبح بيودي اغراضه قبل لا نروح للمعهد قلت له اوك ماعند اي مشكله قام فعلاً بدرري وودا اغراضه ورجع لي بعد تلطيع انتظرته يجي عشان المفتاح معه مامعي مفتاح< متقاطين في واحد بعدها دزينا المعهد و احنا في الطريق بالباص كنت جالس في حالي تووني متصلح ع دخلة بنت للباص حركتي معناها تعالي تفضلي جنبي طبعاً هي سحبت وانا ماكان قصدي هالحركه ابداً بس محمد وولد عمه فهموها كذا وانواع الضحك وفشلونا مع البنت بالصدفه طلعت هي جنبي في الكلااس وانا جالس عادي جداً ولا كأن اللي جالس جنبي بنت ومزلبها ولا عطيتها وجه ابداً كن اللي جآلس جنبي وآحد مقآس شنبه أربع طعش < مدري وش القصد في اربع طعش الموهم كانت الطريقه تشتغل انت واللي جنبك في سؤال وكانت هي اللي تشتغل معي الموهم وانا احل معها حليت سؤال عاادي جداً ولو اقوله لكم عاادي جداً ما فيه اي شي بس البنت قامت تفطس ضحك علي وانا مفهي وش السسآلفه < أبشركم بالاخير طلعت نكته يعني عندهم مفهوم غبي للنكت صرآحه بس ماعلينا كملنا ذيك المحاضره ع خيرر وطلعت اقابل الشباب في البريك اشوف اخبارهم وكان كلهم معهم سعوديين في الكلاس الا انا الموهم استانست للصدفه الحلووه عدا اول يوم عادي جداً رجعت للبيت انا ومحمد واخذ اخر اغراضه وعطاني المفتاح وقال سلمه لأسحآق اذا طلعت انا < خآيف منه مايبي يقول له اني بطلع ما اعجبني سكنك الموهم دقيت ع اسحاق الباب وقلت له خويي محمد سلم المفتاح ولا عاد يبي يسكن عنندك ويتفلت علي انا ليه ووشلون يطلع كذا قلت يمكن مستحي منك او خايف انك تزعل او اي شي ويعصب وانا مهدي الوضع مسوي حبيب لو بقول له شي بيوزوني تحت الارض اسحآق بالجنسية البريطانيه وانا ببلآده أعتبر الموهم ويززيد ويتكلم وشوي ويقول محمد الـ..... هنا انا طنقرت وقلت له نعم وش تقول انت < طبعاً تغيرت ملامح وجهي للعصبيه قال لي ولا شي وهو خايف شووي قلت له ايه اشوا انتبه لاكلامك قلتها وانا مستانس حسيت اني قووي هههههه اكتشفت بعدين انه زعل وعصب عشان زوجته صلحت لمحمد عشا ولا في احد ياكله الحين مشكله كذا ههههه سدحوا لي العشا فووق وحلى دق في النعمه لين شبعت ولله الحمد وطبعاً انا مقروشهم كل شووي طالع من البيت أشرب زقآرة وأرجع وكانت هذي حالتي لين نمت آخر العصرر طبعاً للحين ماشفت الليل كلها ارقد اخر العصر واقوم الصبح والله اني كنت اقوم من النوم احس اني مقيل مانمت زين ثالث يووم كان غريب جداً تصدقون طلع معي سعودي ولا كنت داري سألني بعدين قال شكلي كنه انجليزي او اسباني صح قلت له لا والله كنت احسبك من شررق اسيا هههههههه < انجلد ذاك اليوم ههههه الموهم هذا الشخص ( أ ) كان اكثر واحد اقابله في العالم كل الكلاسات بالصدفه مع بعض انا وياه الوحيدين اللي نجتمع زي كذا في الكلاسات بعد الانجليش كان في شي اسمه كلاسات اضافيه وكانت من المعهد نفسه كعرض او زي كذا وكان كلاسي اللي مختاره توفل بس للأسف حطوني في كلاس اسمه دراما كان الكلاس تعليم رقص وخرابيط زي كذا بس ايش رقص اخترع رقصه انت واللي معك ولازم كل واحد مع وحده عااد شووفوا حظي طلع مع مين طلع مع وحده لو تبوني احلف ان شغالتنا احلى منها حلفت حطوني مع تايونيه من وجها كذا تقول انها حبتني الله يستر بس ولا قاعده تتميلح عندي طبعا انا خليتها هي اللي ترقص وانا اللي اقولها الحركات ( فاضي انا اقعد اتقلب عند هالخواجات ) انا المؤلف وهي الرقاصه ههههه بس ايش كانت حركات احس انها تمارين موب رقص ههههههه الموهم اول ماخلصنا قلت للشيخ ( أ ) اني بروح اشوف ليش حطوني في هالكلاس وانا مختار توفل قال لي معك ياحبيبي مابقى الا هي يعلومني رقص دزينا للمديره وشفنا السالفه واحنا معصبين قالت لنا بكل هدوء روحوا لشؤون الطلاب وهم ينقلوونكم < مسوي زحمه الا يبي يسوي سالفه هههههه حطونا عند مستر زيك او شي زي كذا أغرب شي في كلآسه كانت روسية معنا ماتداوم الا ببرومودا ولا بجنز وفي الاخير اكتشفنا انها مسلمه ..!! انهينا هذا اليوم بسلآم ولله الحمد وتوجه كل منا لبيته رجعت للبيت وانا قافله معي كيف لاا وانا اللي بتكي لحالي الحين لا في نت ولا في تلفزيون ولا في اي شي جلست وقعدت اناظر من الدريشه للبزارين وهم يلعبون كان عليهم لعبه مسخره موب لعبه يعدون خطواتهم ..!! وش قواعد اللعبه وشلون نلعبها بس عد خطواتك واذا وصلت للي قدامك اضحك وارجع لمكانك عشان يجيك بس طبعاً جاني العشا والسيده اسحاق كانت جداً حبوبه وقعدت اشكي لها حالي واني طفشان ولازم تحطون تلفزيون في البيت ولا نت ع الاقل وقامت تجسرني وتقول لي ماعليه كلها اسبوعين وبيجينا طالب ..!! انا هناا وقفت وقلت لازم انقل تذكرت واحد قابلته في رحلة المعهد لاكتشاف مانشستر تذكرت طالب ( قصيمي ) الله يذكره بالخير يوم جينا بنركب الباص قال لي وقام يشتكي لي انه يدور عائلة مسلمه وانه ساكن ففندق لحاله عشان لا يقعد مع الكفار ومن كلامه صراحه ما اخفيكم الامر احس في لفه في مخه ومع مرور الوقت اكتشفت الشي هذا صحيح سألني وقتها قال لي انت كم عمرك قلت له عشرين قال وهو يدلع لسانه ويصقعه بيده يعني حركة يتمسخر فيني يقول لي انت عشرين وانا اطول منك هههههههههههههههههه طبعاً ناظرت وقتها طوله لقيت ان الفرق اللي بيني وبينه اني كلي ع بعضي يده وهو ماشالله الباقي يعني هذا لو مزح معي وصقع يده في رقبتي انخلعت ههههههههه ولا بعد جا نط لي وقطع اوم سالفتي عشان يسألني انت تتان قلت له ايه سحب علي ولا خلاني اكمل السالفه وقعد في كرسي ثاني هذا اللي خلاني اقطع الشك باليقين ان به لفه قلت مشكله هذا لو يلقى هالعائلة المسلمه ويجي عندي والله لابحل به لاطلع انا لفندق اسكن لحالي ولا اقعد انا وياه هنا وقتها بدت مشكلة اني ابي انقل مع العلم اني كلمت الادارة قبل وقالوا بندور لك عائله وكملت مسيرة الطفش ذاك اليوم تخيلوا وصلت معي اني كملت ست ساعات منسدح ع السرير لا اللي انا نمت ولا اللي سويت شي لين دقت امي الله يحفظها وخليتها ماتفصل لين طقت ساعه كامله تسولف علي طبعاً بغت تصفقني بالجوال يوم شافت كم قاعده تكلمني بس الحمدلله جت سليمه جا يوم الاربعا اللي نقزت اول شي ع طول لمسؤول السكن عشان ينقلني قال لي طيب وش تبي شروط للعائله قلت له ابي اسكن عند عجوز انقليزيه مابي سعوديين معي في السكن ولا ابي عرب وابي في منطقة قريبه ونفس الباص اللي انا اجي عليه طبعاً كذا صارت تعجيزيه قال لي بكرا بمرك في الكلاس واذا ماجيتك تعال لي انت طبعاً ثنينا سحبنا ع بعض لا جيته ولا هوو جاني وانا في الكلاس جتني اللي جنبي ميريا من اسبانيا وقالت لي ان المعهد مسوي حفل تعارف بكرا تعال قلت ابد انا هنااك بجيكم طبعاً مع انواع الطفش اللي عندي لو قالوا بنمشي السعوديه ماقلت لاا خلصنا الاربعا نفسه نفسه نفس كل يووم دراسه ومشاركة الدراسه مع اللي جنبك وطبعاً ميريا من بديت وهي جنبي بعد المعهد اتفقنا انا والشباب ان احنا بكرا بنجي الساعه ثمان نصلي المغرب والعشا في الحديقة قبل لا ندخل الحفله يعني مانب داخلين الا 11 ونص جا يوم الخميس وعدا كل شي زي ما اتفقنا وتقابلنا في البيكديلي جاردن وصادفنا القروب الاسباني طبعاً قروب السعوديين كلهم أشنآب بس قروب الاسبآن كآن في شوية جنس نآعم قابلناهم ع الساعه عشر او فيها وكان ثنين منهم جايبين غرشة عصير كبيررره حجم عايله ويشرب بخشته ويمدها لي قلت لا لا بس مانيب عطشان ويمدها للي جنبه ويشرب عرفت بعدين انها خمر < ضعيف ع نيآته ههههههه رحنا انا وواحد من الشباب لمطعم توضينا فيه وطلع للحديقه وصلينا فيها وكان في عالم مستغربين من صلاتنا ووقفوا يشوفون وش السآلفه خلصنا صلاتنا وتوجهنا لمقر الحفله وكنا احنا يالسعودين عزوز و عبدالعزيز صآحب عمي و(أ ) ومحمد اثنين واحد دب واحد سكن معي و ( و ) ولد عم محمد و ( ح ) والباقين الثنين اتفقنا نشوفهم في الحفله بيجون لحالهم دخلنا وعرفت انه نآيت كلوب في الاخير بس وش اسوي دفعت دراهمي بخش يعني بخش ومنها خلنا نشوف وش سالفتهم ذولاا طبعاً انا حاجر نفسي في زاوية ومسوي الولد المؤدب وتاكي لحالي نسيت أعرفكم ع نيكلآس أفضل أصحابي الاجانب وهو الان البوي فريند مع ميريا كان كل شوي يجيني ويقول لي تفضل كاس واقول له ما اشرب وماصدقني وتجيني ميريا وتقول لي نفس الكلام الموهم بعد محاولات عدة بائت بالفشل طلعت وسحبت نفسي بدرري عشآن لا اطيح ورا هالسمرمد رحت بركب البآص متوجه لبيتي وانا في الطريق قاموا يستهبلون علي سكارى انا اولها خفت كلهم حافين وعددهم تقريباً عشره واقصر واحد فيهم طولي مرتين الموهم زودوها شووي وقاموا يستهبلون كلام ويمدوون يدينهم طبعاً عيآل ولا بنات كلهم يستهبلون علي التفت ع اول واحد استهبل علي وهو اللي كان في وجهي وتليته مع بلوزته وقلت له انتبه لو لمست بلعن خامسك قال لي بس بس لا تزعل يقولها وهو يضحك ماينلام سكرآن ركبت الباص وللأسف ذولاا معي بنفس البآص وقعدت احوس ادور لي مكان في الباص ولقيت لي واحد ملامحه ملامح خليجين طلع كويتي بس منتهي وسكرآن انا ركبت وسلمت قال لي عربي انت قلت له وش تشوف قال قصمن بالله اني تعبان ويمد لي عشرين باوند ويقول لي وصلني قلت مو مشكله بس انا انسان مو فاضي للأسف كان عمره جداً صغير عمره 16 بس ..!! الموهم قال لي تحسبني انا سكرآن تراني اصحى منك قلت له من جاب طاري سكران الحين قال لي انت شف حركاتك لا تقعد تطنش الموهم شوي وتمسك معه الا يبي يقريني الفاتحه يبي يشوف انا مسلم ولا لا قلت ماحفظتها قال لي وشلون انت تقول انك مسلم وشلون تصلي كل يوم بدونها قلت له اقراها انت قال لي تحسبني اكذب يعني ويقراها علي هههههههه وشوي ويقريني الفاتحه هههههههههه الموهم الباص كان مجلعد ولا وقف عند اي وقفه يوم قربت من البيت رحت جنبه وقلت هنا بيتي وسحب علي ماعطاني وجه قلت تراني صاحي انا ماشربت شي ووقف يوم درا اني مصحصح نزلت وينزل هالكويتي الا يبي يجي ينام عندي طبعاً هو ممنووع قال لي ماعليك انا بروح هناك بدون ماحد يدري قلت له يابن الحلال انت بتدخلني في سين وجيم وبعدين انت تحت السن القانوني لو شافوك معي بيسون مشكله لي يابن الحلال الا ابي انام معك قلت له طس بس الموهم وراني بيته في الخريطه ووريته من وين يروح وراح ولقا بيته أسبوع بعدها ماشفته جته انفلونزا خنازير الله يكفينا شرها جت اول جمعه لنا وكنت في الكلاس مداوم عاادي طبعاً نص الطلاب ماحضروا عشانهم خربوها الليله اللي فاتت طبعاً للأسف ولا جمعه قدرت اصليها هنآك عشآن المحاضرات ولا حولي مسجد قريب يصلون في الجمعه يعني لو بغيت اصلي الجمعه لازم اسحب يوم كامل الله يعفو عما سلف جينا في يوم السبت اول ويكند لي هنااك وكان عبدالعزيز و ( أ ) و ( ح ) طالعين معي للبيت بنزل اغراض وبنتغدا عند مطعم حلآل وبنمشي للسنتر او البيكدلي جاردن للأسف عبدالعزيز نسا جواله في البآص اللي اول مادقينا عليه عطانا مشغول ثم قفل الجوال مايستحي اللي سرقه يعطينا مشغول هههههه المشكله انه كان مواعد اخوياه من ليفربول ولا ندري وشلون بنقابلهم مامعهم ارقامنا ولا معنا رقم لهم كلها ضاعت مع الجوال ركبنا الباص وتوجهنا للبيكدلي جاردن وتمشينا ورحنا نتسوق واحنا طالعين من محل جا واحد وسحب عبدالعزيز وحظنه عرفت انه عماد صاحب عبدالعزيز الروح بالروح طبعاً تقابلوا صدفه وتعرفنا عليهم كلهم اتفقنا بعد التسوق كلنا نطلع لقهوة ، ( ح ) صرف نفسه وقال لنا ما اقدر اتأخر تجمعنا في القهوة وكنا انا و ( أ ) وعبدالعزيز وعماد وسعد وعزيز اخويا عماد وفي ثنين كانوا ماجستير ما اذكر اساميهم الموهم كنت أسأل عن السفآرة والاجراءات ووش اجيب معي صدمني بكلامه صراحه قال لي عماد ان الاسبوع اللي راح اجتمعوا مع مسؤول الابتعاث في بريطانيا وقال لهم خلااص البكالوريس قفل ..!! حتى لو تخصص طبي مافي الا ماجستير او دكتوراه في بريطانيا اللي ماقبلناه او ماوقعنا اوراقه لا يحاول يكمل اجراءاته خلاص قفلنا بعدها كانت صدمتي القوية الحين مافي دراسه في بريطانيا يعني وخربت كل الخطط والمشاريع بديت أفكر بجديه أكثر بعدها عرفت أن كذا مايصلح الوضع قلت بكمل الكورس اللي علي هناا في المعهد وبرجع السعوديه ويحلها ربك هناك بحاول اطلع من السعوديه لأي مكان واكمل درآسه لشرح أسبآبي لكم قبل لا أسترسل في القصه معدلي جداً نآزل في الثآنوية يعني جامعات في السعوديه مافي أمل مالي الا اللي برا يقبلووني والابتعاث اذا وصلت هناك يدخلوني او يدرجوني ضمن البعثه الا بريطانيا خربوها معي ههههههههههه بعد ان اخذت ارقام الشباب تواعدنا نتقابل الاسبوع الجاي وودعتهم رجعت للبيت تقدرون تقولون متأخر شووي جتني السيده اسحاق تسأل وسألتني سؤال غريب أنت تشرب..؟؟ قلت لها لا ما اشرب قالت لا بس عشاني اشوفك تتأخر بس قلت لا ما اشرب في اليوم الثآني الظآهر نست السيده أسحآق تقول لابو الشباب زوجها اني ما اشرب وجا سألني تشرب..؟؟ قلت له مو شغلك وطنقر وارتفع ضغطه بس وش اسوي لازم اعامله بمثل مايعاملني قلت له معليش انا انسان ادلت عاقل وانت مالك دخل اذا كنت اشرب او لا لبخ وطلع وعدا اليوم الثاني عادي جداً قابل ( أ ) وعبدالعزيز واحلى تمشيه في ارجاء المدينه رحنا فيها للترافولد سنتر أكبر مول في اوربا وكآن كلآم كبيرررر جداً كآن زحمة نآس تعشينا فيه واحلى كوفي شووب ورجعنا ع البيوت متأخر نفس الكلآم يوم الاثنين داومنا وكان الوضع جداً عادي مريت ع مسؤول السكن أسأله وش صآر قال لي لقيت لك عائلة بتعجبك إن شالله السيده سوزان مدرسة بجامعة مانشستر تدرس تمريض < وطلعت نصبه تدرس ماده اسمها الاخلاقيات او شي زي كذا عندها ولد عمره ثلاث وعشرين ماهو ساكن معها وساكن عندها طالب اردني قلت اووك دوس حطني معهم قال لي بكرا متى تبي الليموزين يجي معك اتفقت معه ع الساعه ست رجعت للبيت ولا قلت شي للباكستانين خآيف أنجلد هههههه كنت قاعد اراجع شووي ونزلت اخذ لي زقآرة تحت ويجيني الباكستاني اسحاق وش السالفه يا اسحاق وش عندك قال لي ابو محمد اتصل يسأل عنه يقول انه ماكلم ولده للحين قلت له ياحبيبي وشلون كذا له اسبوع ماكلم ابووه قال لي عطني رقم محمد وعطيته وانتظر لين دق ابوه وعطاه الرقم ورجع لي اسحاق يهاوش وش السالفه اهدا يا اسحاق وقال لي ليه كذا ومدري ايش قلت له طيب انا وش دخلني محمد يسحب ع ابوه تجي تنفخ علي انا وزاد نفاخ وقمت اتراد انا وياه انسان غير مهذب جداً نفسه في خشمه وهواش انا وياه مدري وشلون استحملته هالمسكينه اللي معه الموهم في اليوم اللي بعده بعد المعهد فاتني الباص للبيت وقرب وقت اللموزين يجي وانتظرت الباص اللي بعده تصدقون ان اول ماوصلت للبيت لقيت اللموزين ينتظرني تحت يقول لو انك متأخر دقيقه كان مشيت قلت له انتظر بنزل شنطتي وبنط معك طبعاً الشنطه شقلتها سريع سريع ركبت العفش اسرع شي في العالم وشيكت ع ابو الاسلاك وركبت مع الليموزين ورحت لراعية البيت وذبيت عليها المفتاح وقلت لها سلميني ع الخبل زوجك ومشيت وصلت للسيده سوزان وكانت هي تنتظرني عند البآب ومتشققه يوم شافتني بس الصدمه اللي توقعتها يوم دخلت بيتها صرآحه ... وش الصدمه اللي صآرت..؟؟ < يبي يحمسكم ههههههه من هو الاردني اللي معي ووش سالفته..؟؟ وش اللي نسيته في بيت البآكستآنين..؟؟ ترقبوني في الجزء القآدم وأعذروني ع التقصير في أنتظآر ردودكم ... |
|||
|
|
|
10-30-2009
|
#10 | ||||
|
مدير كبير نفر اسعد خان
♥ ډعـٱٻۃ عٱِڷِـم مڹْ ٱڸڣۼٱڔھ||◇◆
مزاجي:
|
هههههههههههههههههههههههههههه
يلعن ابو نهاية الحلقة الثالثة كأني اتفرج على مسلسل لوست  بس تعال قلي وش سالفتك انت مع الحروف الحالها لا يكونو اسماء بنات بعدين يقولو خالف تعرف اي شي تسوية خطأ هناك بتنشهر عشان كذا ظبط علاقاتك عشان لا رحت لمانشستر احصل ماريا الاسبانية 
|
||||
|
سبحان الله .. والحمد لله .. ولا اله الا الله والله اكبر ولاحول ولاقوة الا با الله
|
|
| مواقع النشر (المفضلة) |
| كاتب الموضوع | عزوز.~ | مشاركات | 67 | المشاهدات | 1673 |
|  |
| انشر الموضوع |
| أدوات الموضوع | |
| انواع عرض الموضوع | |
|
|
| صورنى واصورك | ||
| الصندق الاسود | صورة وتعليق | |
| حظ اوفر | سلامه السامعين | |
| مشاكل وحلول | عنتر مع حبه عبلة | |
| تكنولوجيا | ||
| آي فون iphone | الاتصالات | دحدرنى وادحدرك |
| النقاش | MMS | |
| صورنى واصورك | SMS |
 |
العرض العادي
